Өвөрхангай аймаг нь түүх, өв соёлын өлгий нутаг. Хэдэн арван сая жилийн тэртээ амьдрал байсныг гэрчлэх ул мөр, хэдэн зуун мянган жилийн тэртээ эртний хүн амьдарч байсан баримтаас эхлэн Төв Азийн анхны төрт улс Хүннү , түүний дараах улс гүрний соёлын илэрхийлэл, XIII зуунд Эзэн Чингис хааны бүтээн босгосон Их Монгол Улсын нийслэл Хархорум хот, XYI бүтээгдсэн Монгол үндэснтний оюун санаа итгэл бишрэлийн гэгээн сүм Эрдэнэ Зуу зэрэг өв соёл энэ нутгийнх. Түүх соёлын үл хөдлөх өвийн бүртгэл мэдээллийн сандаа 6619 өвийн бүртгэл бий. Биет бус өвийг өндөр түвшинд өвлөсөн 238 өвлөн уламжлагчийн мэдээлэл мөн бий. Дэлхийн өв Орхоны хөндийн соёлын дурсгалт газар тус аймагт байдаг.

Төв халхын өвөрмөц нутгийн онлцогтой уртын дуу, морин хуур, сийлбэрийн язгуур өв, цоохорлох эрээлэх өв, адууны уламжлалт өв соёлөөрөө ялгагддаг. Хамгийн сүүлд ЮНЕСКО-ийн биет бус өв ийн төлөөллийн жагсаалтад "Айраг исгэх уламжлалт арга, зан үйл" -ийн язгуур өв Өвөрхангай аймгийн Баян-Өндөр суманд хадгалагдан үлдсэн гэж үзсэн.