Өвөрхангай аймгийн Засаг даргын 2020 оны 08 дугаар сарын 24-ний өдөр батлагдсан “Эрсдэлгүй Өвөрхангай” орчны аюулгүй байдлын эрсдлийг бууруулах нэгдсэн удирдамжийн дагуу сумын Засаг даргын захирамжаар ЗДТГ, Онцгой байдлын Хэлтэс, ЭБЦТС ТӨХК, Ерөнхий боловсролын байгууллагын багш нарын бүрэлдэхүүнтэй тус арга хэмжээг зохион байгуулах ажлын хэсэг байгуулагдаж 2020 оны 08 дугаар сарын 29, 30 ны өдөр 16 чиглэлээр айл өрхийн тог цахилгаан, галын аюулгүй байдалд үзлэг, шалгалт хийж, 1113 өрх хамрагдлаа. Ажлын хэсгүүд хяналт шалгалт хийх явцдаа айл өрх бүрийн дагаж мөрдөх санамж зөвлөгөө тарааж , үнс нурам хийх сав таглаатай байх, цахилгааны утаснуудыг аюулгүй болгох, гэр хоорондын зай 5 метрээс доошгүй байх зэрэг урьдчилан сэргийлэх талаар иргэдэд заавар өгч ажиллалаа.

Үзлэг, хяналт шалгалтын явцад айл өрх албан байгууллагуудад тог цахилгаан, галын аюулгүй байдалтай холбоотой дараах нийтлэг зөрчлүүд илэрлээ. Үүнд:

• Дотор монтажинд засвар хийгдээгүй,

• Тоолуураас хэрэглэгч хүртэлх кабелийн утас залгаа ихтэй,

• Хэрэглэгч нь өөрийн эзэмшлийн байранд автомат болон гал хамгаалагчгүй, эсвэл шууд холбосон

• Хэрэглэгч монтажны болон гадна кабелийн утас аюулгүй байдлын стандартыг хангаагүй

• Тогны хэрэглээ, ачаалалд тохирсон кабель утас сонгоогүй

•

 

 

 

 

 

 

 

 

Гал хамгаалагч монтажинд тэмдэг, тэмдэглэгээ хийгдээгүй

• Зуухны хамгаалалтын төмөргүй 50:50

• Яндангийн залгаа буруу

• Галлагааны хэсгийн тааз лампираар хийгдсэн зэрэг зөрчлүүд байна.

Өнгөрсөн 8 дугаар сард цахилгаан утасны буруу хэрэглээ , залгаанаас шалтгаалсан 2 удаагийн түймэр гарч 5 ханатай гэр шатсан харамсалтай явдал болсон. Иймд ард иргэдийг мэргэжлийн байгууллагын албан хаагчдын заавар зөвлөмжийг дагаж эрсдлээс урьдчилан сэргийлж, аюулгүй байдлаа хангахыг анхааруулж байна.

Хяналт шалгалт, заавар зөвлөмж өгөх ажлыг албан байгууллага, аж ахуй нэгжүүдэд үргэлжлэн зохион байгуулна.

Засаг даргын Тамгын газар

Онцгой байдлын хэлтэс

ЭБЦТС ТӨХК