Архангай аймгийн Өндөрсант сумын уугуул Өвөрхангай аймгийн Хархорин сумын харьяат аймгийн заан Гарьдийн Наянтай агсны нэрэмжит сар шинийн сорилго барилдааныг 2020 оны 1 дүгээр сарын 23-ны өдөр Спортын ордонд зохион явууллаа. Барилдаанд улсын начин 1, аймгийн арслан 1, аймгийн заан 2, аймгийн харцага 1, аймгийн начин 4, сумын заан 12, сумын начин 1 оролцсон хүчит 48 бөх зодоглосноос улсын начин Ц.Чимэддорж түрүүлж, аймгийн арслан Б.Баатархүү үзүүрлэж, аймгийн начин Г.Пүрэвдорж их шөвөгт шалгарсан. Энэхүү барилдааныг аймгийн заан Г.Наянтай агсны үр хүүхдүүд ивээн тэтгэж ЗДТГазартай хамтран зохион байгуулсан.
.