Малын тоо толгойн албан татварын орлогод 2021-2024 онд нийт 428,7 сая төгрөгийг төвлөрүүлж, Төсвийн тухай хуулийн 60.2.8-д заасны дагуу бэлчээрийн менежментийг сайжруулах, бэлчээрийн болон газар тариалангийн усан хангамжийг нэмэгдүүлэх, малын эрүүл мэндийг хамгаалах, халдварт өвчнөөс урьдчилан сэргийлэх, малын чанарыг сайжруулах, гэмт халдлага, гамшгаас хамгаалах, малын тэжээлийн ургамал тариалах, тэжээлийн нөөц бүрдүүлэх, байгаль орчныг хамгаалах, хортон мэрэгчидтэй тэмцэх, малчдад зориулсан сургалт, сурталчилгааны зардалд зарцуулсныг Та бүхэнд хүргэж байна.

2024 онд малын тоо толгойн албан татварын орлогоор малчдад ногоон тэжээл тариалах зориулалтаар олгосон газрыг хашаажуулах, тариалах үрийг олгох ажлыг зохион байгуулсан нь үр дүнгээ өгч эхэлж байна.

Ирэх онд трактор, тоног төхөөрөмжөөр хангах ажлыг зохион байгуулахаар иргэдээс санал авсан.