Монгол Улсын Засгийн газрын 2024 оны 30 дугаар тогтоолоор “Улсын аварга тариаланч хамт олон"-оор Хархорин сумын "Далай одод трейд" ХХК шалгарсан билээ.

Улсын аваргын шагналыг өнөөдөр УИХ-ын гишүүн Г.Ганболд, Гадаад харилцааны сайд Б.Батцэцэг, сумын иргэдийн Төлөөлөгчдийн Хурлын дарга Д.Гантөмөр, Засаг дарга Г.Одгэрэл нар гардууллаа.

“Далайн одод трейд” ХХК нь 2006 оноос хойш газар тариалангийн салбарт ажиллаж, хөрсөн дээр хүнс ургуулах хүндхэн бөгөөд хариуцлагатай үйлсэд нэр төртэй хүчин зүтгэж байгаа бөгөөд манай сумаас төрсөн 2 дахь “Улсын тэргүүний тариаланч хамт олон” болж байна.

Хөдөө аж ахуйн салбарыг хөгжүүлэхэд үнэтэй хувь нэмрээ оруулж, төр түмэндээ үнэлүүлсэн "Улсын аварга" тариаланч хамт олонд халуун баяр хүргэе.