Тулгар төрийн 2232, Их Монгол Улс байгуулагдсаны 817, Үндэсний эрх чөлөө тусгаар тогтнолоо сэргээн мандуулсны 112, Ардын хувьсгалын 102 жилийн ойн баяр наадмыг тохиолдуулан Монгол Улсын Ерөнхийлөгчийн 81 дүгээр зарлигаар эрхэлсэн ажил, салбартаа үр бүтээлтэй ажиллаж, онцгой амжилт гарган эх орныхоо хөгжил дэвшилд үнэтэй хувь нэмэр оруулсан 29 иргэнийг Төрийн одон медалиар шагналаа.

Шагналыг Монгол улсын Ерөнхийлөгчийн Тамгын газрын дарга Я.Содбаатар, Иргэдийн Төлөөлөгчдийн Хурлын дарга Д.Гантөмөр, Засаг дарга Г.Одгэрэл, нар гардуулан өглөө.

Хөдөлмөрийн Гавьяаны Улаан тугийн одонгоор 1, Алтан гадас одонгоор 22, Хөдөлмөрийн Хүндэт медалиар 6 иргэнийг тус тус шагнав.

Төрийн дээд шагнал хүртсэн та бүхэндээ халуун баяр хүргэж, гэр бүл, үр хүүхдүүд, хамт олонд нь сайн сайхан бүхнийг хүсэн ерөөв.