Өвөрхангай аймгаас 15 сумын 726 малчин өрх 396 мянган малтайгаар 14 аймаг, нийслэлийн хоёр дүүрэгт отроор өвөлжиж байна. Үүнээс Төв аймагт 172, Дундговьд 152, Булганд 123, Сэлэнгэд 96 өрх айл оторлож байгаа юм.

Аймгийн Засаг даргын захирамжаар Өвөрхангай аймгаас оторлож яваа 20-иос дээш малчин өрхийг хүлээн авсан бусад аймгийн 11 суманд 1.5-4 сая хүртэлх, нийт 27 сая төгрөгийн санхүүжилтыг олгож, малчдынхаа төрийн үйлчилгээ авах нөхцөлийг бүрдүүлж байна.