Энэ жил Алдарт эхийн 1, 2 дугаар зэргийн одонгоор шагнагдах ээжүүдийн материалыг 2022 оны 02 дугаар сарын 25-ныг хүртэл авах тул доорх материалыг бүрдүүлэн хугацаанд нь ирүүлнэ үү.

Бүрдүүлэх материал:

1. Ээжийн иргэний үнэмлэхний нотариатаар батлуулсан хуулбар

/ Иргэний үнэмлэхний хаягийн зөрүүтэй бол байнга оршин суугаа хаягийн лавлагаа /

2. Хүүхэд бүрийн төрсний гэрчилгээний нотариатаар батлуулсан хуулбар. Хүүхэд 16 нас хүрсэн бол төрсний гэрчилгээнээс гадна иргэний үнэмлэхийг канондож нотариатаар батлуулна. /нэг цаасан дээр хамт / Төрсний гэрчилгээг хаяж үрэгдүүлсэн бол улсын бүртгэлийн байгууллагаас болон ТҮЦ машинаас лавлагаа авах

3. Гараар бичсэн өргөдөл. Өргөдлийг хар өнгийн балаар загварын дагуу бичих /Загварыг багийн Засаг дарга нараас авах/

1 дүгээр одон авах ээжүүд дээрх материалууд дээр нэмээд 2-р одонгийн үнэмлэхний нотариатаар баталгаажуулсан хуулбар шаардлагатай.

Анхаарах нь:

•Бага хүүхэд 2022 оны 06 сарын 01-ний байдлаар 1 нас хүрсэн байх.

• 3 хүртэлх насанд нь үрчлэн авсан хүүхэд хамаарна. Эхийн төрүүлж, бусдад үрчлүүлсэн хүүхэд хамаарахгүй.

• Хэрэв хүүхэд нас барсан бол нас барсны гэрчилгээ, архивын лавлагааг хавсаргах.

Холбогдох утас: 99808953, 88488953