Дэлхийн аялал жуулчлалын өдрийг тохиолдуулан аймгийн ЗДТГ, ЮНЕСКО-гийн Монголын үндэсний комиссоос зохион байгуулсан тус хуралд соёл, аялал жуулчлалын салбарын төлөөлөгчид, эрдэмтэн судлаачид зэрэг 60 гаруй хүн оролцож, “Торгоны зам”-аар аялал жуулчлалыг хөгжүүлэхэд чиглэсэн олон сонирхолтой илтгэлийг тавьлаа.

Аялал жуулчлалын эдийн засгийн үр өгөөжийг нэмэгдүүлэх бодлогыг тодорхойлоход энэхүү эрдэм шинжилгээний хурлаас гарч байгаа санал санаачилгууд чухал ач холбогдолтой болохыг аймгийн Засаг дарга А.Ишдорж онцлон хэлж, “Хархорум хот – Торгоны зам” аялал жуулчлалын эвент арга хэмжээг нутгийн аялал жуулчлалын брэнд бүтээгдэхүүн болгох ажлыг тогтмол, үе шаттай зохион байгуулах шаардлагатай байгааг дурдлаа.