Вангийн Овоо багийн иргэн А.Цэдэндамба, Д.Дэнсмаа нар 1990 оноос хойш хашаагаа ногоон орчин болгох зорилгоор мод, бут, сөөг, ногоо, цэцэг тариалж эхэлжээ. Хашааныхаа 50 хувийг ногоон орчин болгож, одоогоор 7 төрлийн 40 гаруй мод, бут, 17 төрлийн хүнсний болон нарийн ногоо, 60 гаруй төрлийн 250 тасалгааны цэцэг тарьж, 22 төрлийн 1500 гаруй мандлын цэцэг үрслүүлж хувь хүн болон албан байгууллагуудад нийлүүлж тарьж, арчлах зөвлөгөөг өгч байна. Үхрийн баас, нүүрсний хог, үртэстэй хольж ахуйн хэрэгцээний түлшээ бэлддэг болсон байна.