"Хашаандаа сайхан амьдаръя" аяны хүрээнд өрх бүрийг мод тарихад нь дэмжлэг үзүүлэх, заавар зөвлөмжөөр хангах ажлыг 05 дугаар сарын 8,9-ний өдрүүдэд зохион байгуулахаар бэлтгэл ажлыг хангалаа. Өнөөдрөөс эхэлсэн энэ аянд иргэд идэвхтэй оролцож, 500 гаруй өрх 900 улиас, 12 төрлийн 240 мод бут сөөг, жимсний мод тарилаа. Төвийн 3 багийн 6 цэгт хар шороо буулган, мод тарих аргачлал, хог хаягдлыг ангилан ялгах зөвлөмж бүхий гарын авлага 1360 ширхгийг бэлтгэн мод авсан иргэн бүрт хүргүүллээ. Мөн Монголын тандан судлаачдын холбооны мэргэжилтнүүд айл өрхүүдийн хашааны төлөвлөлт, мод тарих, хог хаягдлыг ангилан ялгах талаар биечлэн заавар зөвлөгөө өглөө. Маргааш буюу 05 дугаар сарын 09-ний Бямба гарагт энэ ажил үргэлжилнэ. ЭКО ОРЧИН БҮРДҮҮЛЭХЭД ИРГЭН БҮР ОРОЛЦОЦГООЁ.