“Дэлхийн Зөн Монгол” ОУБ-аас хүүхэд ивээн тэтгэх, хайр, халамж, тус дэм шаардлагатай байгаа хүүхдүүдэд хүрч ажиллах, ирээдүйд нь гэрэл гэгээ нэмэх, хөгжүүлэх зорилго бүхий "Хархоринчууд Хархоринчууддаа " хөтөлбөрийг хэрэгжүүлэхээр өнөөдөр нээлтээ хийлээ.
 Тус хөтөлбөрт Хархорин сумын зорилтот бүлгийн 150 хүүхдийг хамруулахаар хүүхэд хамгааллын баг судалгаа гаргасан бөгөөд хүүхэд бүр ивээн тэтгэгчтэй болно.
 Хүүхэд ивээн тэтгэгч нь сар бүр 25 мянган төгрөгийг хандивлаж, хүүхдийн эрүүл мэнд, боловсрол, хөгжил хамгаалалд зориулагдана.
 Нээлтийн үеэр 80 хүүхэд ивээн тэтгэгчтэй боллоо.
 Та Дэлхийн зөнгийн оффист хүрэлцэн ирж сонгогдсон хүүхдүүдийн мэдээлэлтэй танилцан, хүүхэд ивээн тэтгэгч болох боломжтой.
Эрхэм та бүхнийг хөтөлбөрт нэгдэж, сумынхаа олон хөөрхөн хүүхдийн амьдралд хамтдаа гэрэл гэгээ нэмэхийг уриалж байна.