Аймгийн цэргийн штаб, 19 сумын ЗДТГ-ын дарга нар 2019.03.02-06-ны өдрүүдэд Өмнөговь аймгийн хилийн цэргийн 0131, 167-р анги болон хилийн заставуудад ажиллаж Өвөрхангай аймгаас алба хааж байгаа цэрэг эрсээ эргэж ар гэрийнх нь захиа, илгээмжийг хүргэж тэдэнд нутгийнхны мэндийг дамжуулан цэргүүдийнхээ ахуй амьдрал, алба хааж байгаатай танилцлаа.
Өмнөговь аймагт Хархорин сумаас 23 цэрэг алба хааж байгаа бөгөөд бүгд цэргийн албанд эрүүл саруул байж, цэргийн эрдмээс суралцаж, эх орны дархан хилээ нүд цавчилгүй манаж байна.
Цэрэг эрсүүддээ албаа сайн хаагаад ирэхийг хүсэн ерөөе.