Орон нутгийн үйлдвэрлэл, үйлчилгээ, худалдаа эрхлэгчдийн бүтээгдэхүүн ажил үйлчилгээг сурталчлан, таниулах, бизнесийн түншлэл тогтоох, зах зээлээ өргөтгөх боломж бүрдүүлэх, чанар стандартад нийцсэн шинэ бүтээгдэхүүн үйлчилгээг бий болгох, харилцан туршлага солилцож бүтээгдэхүүн үйлчилгээнийхээ чанарыг дээшлүүлж орон нутгийн шилдэг бүтээгдэхүүн шалгаруулах зорилготой “ӨВ ТҮНШЛЭЛ” 2018 арга хэмжээнд 6 аж ахуйн нэгж, 15 иргэн 22-24 ны өдрүүдэд амжилттай оролцлоо. Зөөлөн сувд хоршооны эсгий урлалын бүтээгдэхүүн энэ жилийн үзэсгэлэн худалдааны Гран-при шагналыг хүртлээ. Мөн "Хүүхдийн хөгжил хамгааллыг дэмжих жил"-ийн ажлын хүрээнд орон нутагт үйлдвэрлэж байгаа ХАА-н гаралтай эко бүтээгдэхүүнийг сурталчлах, мэдээллээр хангах арга хэмжээнд МЭҮТ амжилттай оролцож 3 дугаар байрын шагнал, Мөнх урлан ХХК –ны урласан үндэсний хувцасны коллекц загварын шоуны шилдэгээр тус тус шалгарлаа.