Аймгийн Гэмт хэргээс урьдчилан сэргийлэх ажлыг зохицуулах салбар зөвлөл болон Арвайхээр сумын засаг дарга, Арвайхээр сумын ИТХ-ын дарга, аймгийн Төрийн үйлчилгээний мэдээллийн дарга, инженер, ЗДТГ-ын хөгжлийн бодлого, төлөвлөлт хөрөнгө оруулалтын хэлтсийн мэргэжилтэн нарын хамтаар Өвөрхангай аймагт иргэдийн амьдрах аюулгүй орчинг бий болгох, гэмт хэрэг, зөрчлөөс урьдчилан сэргийлэх зорилгоор Нийслэлийн Чингэлтэй дүүргийн Нийтлэг үйлчилгээний төвийн “Ногоон бүс” камержуулалтын төслийн үйл ажиллагаатай танилцаж туршлага судаллаа. Уг төслийг хэрэгжүүлснээр Чингэлтэй дүүрэгт гэмт хэрэг 25 хувиар, зөрчил 40 хувиар буурсан сайн үзүүлэлттэй байна. Чингэлтэй дүүргийн 1 дүгээр хороонд 4 цагдаагийн албан хаагч эргүүл хийдэг байсан бол төслийн хүрээнд 2 цагдаагийн албан хаагч 140 камерыг өрөөнөөсөө хянан ажиллаж байна. Мөн тус өдөр Мэдээлэл шуурхай удирдлагын төв, Замын хөдөлгөөний удирдлагын төвийн үйл ажиллагаатай танилцаж, Нийслэлийн Цагдаагийн Удирдах газрын дарга О.Ганбат уулзаж “Дүн шинжилгээ судалгааны баг”-ийн үйл ажиллагаатай танилцаж, гэмт хэрэг, зөрчлөөс урьдчилан сэргийлэх чиглэлээр зохион байгуулж байгаа ажлын талаар санал солилцлоо.