2022.06.10

“Орон нутгийн өсвөр үеийнхэнд хувь хүний ур чадвар, энтрепренершип боловсрол олгох төсөл” 2020 оноос орон нутагт хэрэгжиж эхэлсэн. Тус төслийн зорилго нь өсвөр үеийн хүүхэд залуучуудад хувь хүний ур чадварыг эзэмшүүлэн, сурлагын амжилтыг сайжруулж, цаашлаад хөдөлмөр эрхлэлтэд бэлдэх, бизнесийн санаагаа хэрэгжүүлэх санхүүжилтийг хүүхэд залуучуудад эргэн төлөгдөхгүйгээр олгож тэднийг дэмжих явдал юм.

2021-2022 оны хичээлийн жилд суралцагчид 19 төсөл бичиж, намрын төгсөлтийн суралцагчдын 3 төсөл шалгарч тус бүр 1000 долларын санхүүжилтийг авч үйл ажиллагаагаа эхлүүлээд байна.

Хаврын төгсөлтийн 6 төсөл эхний шатны шалгаруулалтад тэнцэн 2 дугаар шатны шалгаруулалтад хэлэлцэгдэж байна.

Төслийн сумын зөвлөл ЕБС-ийн 8-12 дугаар ангийн эцэг эхчүүдийн төлөөлөл, сургуулийн эцэг эхийн зөвлөлийг оролцуулсан уулзалт хэлэлцүүлэг зохион байгуулж төслийн явц, үр дүнгийн талаар мэдээлэл өгч ESEL хөтөлбөрийн гарын авлагын талаар санал авах хэлэлцүүлгийг зохион байгууллаа.

ТӨСЛИЙН СУМЫН ЗӨВЛӨЛ