2020 оны 04 дүгээр сарын 08, 16-ны өдрүүдэд ИТХ-ын Тэргүүлэгчид хуралдаж, Сумын сонгуулийн хорооны дарга, гишүүдийг томилох , УИХ-ын сонгуулийн тухай хуулийн дагуу ухуулах хуудас болон зурагт самбарыг нийтийн эзэмшлийн гудамж, талбай, олон нийтийн газарт үнэ төлбөргүй байрлуулах байршил тогтоох, Аймаг, нийслэл, сум, дүүргийн ИТХ-ын сонгуулийн тухай хуулийн 12.1-д заасны дагуу тойрог, тойрогт ногдох мандатын тоо, дугаар, нутаг дэвсгэр төвийг тогтоох тухай тус тус хэлэлцэн Өвөрхангай аймгийн ИТХ-ын тэргүүлэгчдэд санал хүргүүлэхээр тогтлоо. Мөн 2019 оны Байгаль орчныг хамгаалах төлөвлөгөөний биелэлт, Хүүхэд хамгааллын хамтарсан багийн ажлын тайлан, цаашдын зорилт, сумын Хөдөлмөр эрхлэлтийн талаар авч хэрэгжүүлж буй ажлын тайлан , ЗДТГазрын Хот тохижилтын ажлын явц цаашдын зорилт, 2016-2019 оны газар зохион байгуулалтын биелэлтийн талаар ЗДТГ-ын мэргэжилтнүүд сонсгол тавьж, 2020 оныг аймгийн ИТХурлаас “Өвөрхангайд үйлдвэрлэв” зорилтот жил болгон зарласантай холбогдуулан жилийн ажлын төлөвлөгөө, 2020 оны Байгаль хамгаалах төлөвлөгөөг баталлаа.