Сумын Гэмт хэргээс урьдчилан сэргийлэх ажлыг зохицуулах салбар зөвлөл хуралдаж дараах асуудлуудыг хэлэлцэж, шийдвэр гаргалаа. Үүнд:

1.Сум дундын Цагдаагийн хэлтэсээс мал хулгайлах гэмт хэрэгтэй тэмцэх чиглэлээр зохион байгуулж буй ажил, цаашдын зорилтын тухай Цагдаагийн хэлтэсийн Эрүүгийн мөрдөгч Цагдаагийн дэслэгч А.Мөнх-Эрдэнийн тайлан;

2.Сумын ГХУСАЗСЗ болон орон нутгийн төсвийн хөрөнгөөр Прокурор, Цагдаагийн хэлтэс, ШШГХэлтэс, Онцгой байдлын хэлтэст үйл ажиллагаанд нь дэмжлэг үзүүлж, автомашин болон багаж, тоног төхөөрөмжөөр хангасан. Үүний ашиглалт, үр дүнгийн талаар холбогдох байгууллагуудын тайлан;

3.Сумын ГХУСАЗСЗ-өөс 2021 оны "Хүүхдийн эрхийн зөрчлөөс урьдчилан сэргийлэх жил" болгон зарласантай холбогдуулан зохион байгуулж буй ажил, цаашдын зорилтын тухай ЗДТГ-ын Нийгмийн бодлогын мэргэжилтэн Д.Мягмарсүрэн, Цагдаагийн хэлтэсийн Хүүхдийн асуудал хариуцсан мэргэжилтэн Цагдаагийн дэслэгч Ө.Гүн-Оргил нарын тайлан;

4.Сумын ГХУСАЗСЗ-ийн 2021 оны эхний хагас жилийн тайлангийн тухай ИТХ-ын дарга бөгөөд ГХУСАЗСЗ-ийн дарга Д.Гантөмөрийн тайлан, сонсголыг тус тус сонсч, санал дүгнэлт гаргалаа.