Вангийн овоо багийн иргэн Г.Гантулга, Ч.Бямбацэрэн нар нь 2012 оноос ногооны талбай болон хашаандаа хүнсний ногоо тариалж эхэлсэн. Одоогоор 2 хүлэмжинд өргөст хэмх, улаан лооль төрөлжүүлэн , ногооны талбайдаа төмс, лууван, сонгино, саримс, хүрэн манжин, шар манжин, бууцай, юуцай, салат навч тарьжээ. Хүнсний ногоо , нарийн ногоогоо боловсруулан алаг салат, сонгины салат, луувангийн салат, дарсан өргөст хэмх, хүрэн болон шар манжингийн тосон дарлага, хүрэн манжингийн шүүс зэргийг хийж дэлгүүрээс худалдан авалт хийхгүйгээр өрхийн хэрэгцээгээ бүрэн хангаж, иргэдээс захиалга аван нийлүүлдэг болжээ. Мөн ногоогоо зооринд хадгалж өвөл, хаврын улиралд борлуулан амьжиргааны эх үүсвэрээ олдог байна. Өрхийн тэргүүн Г.Гантулга 2016 онд тархинд цус харваж, хөгжлийн бэрхшээлтэй болсон хэдий ч бусдын гар харж суухгүйгээр тахиа тэжээж одоо 110 гаруй тахиатай болсон. Үүний 40 гаруй нь өндөглөгч тахиа бөгөөд өндөг худалдан авдаг байнгын хэрэглэгчтэй болжээ. Мөн өөрийн сонирхлоор 30 шахам гоёлын буюу бүрдэл тахиа тэжээж байна.

ЭКО ХАРХОРИН төслийн хүрээнд орчноо сайжруулж, ногоон байгууламжаа нэмэгдүүлж байгаа албан байгууллага, айл өрх, иргэдийн талаар цуврал мэдээллийг хүргэж байна.

ХАШААНДАА САЙХАН АМЬДАРЪЯ.

Засаг даргын Тамгын газар .