Эрдэнэтолгой багийн иргэн Г.Бямбаа хашаандаа мод бут тариад 14 жил болж байна. Хуш, бургас, агч, улиас, чацаргана, үхрийн нүд, далан хальс, хармаг, игүүшин зэрэг мод бут,эмийн ургамал, төмс, байцаа, лууван, ногоон сонгино, хүрэн манжин, зэрлэг сонгино зэрэг хүнсний ногоо, хүлэмжиндээ чинжүү, өргөст хэмх, гүзээлзгэнэ тариалж, энэ жилээс япон сонгины үр үрслүүлж сухай, жигд, хармагийн суулгацыг туршин ургуулж байна. Хашаан дахь худгаасаа усалгаагаа шийджээ.