Нарийн хүр багийн иргэн В.Бат-Очир Вангийн овоо багт өөрийн эзэмшлийн хашаандаа 2015 оноос хойш мод бут, хүнсний ногоо тарьж одоогоор үхрийн нүд, чацаргана, бөөрөлзгөнө зэрэг жимс, байцаа, сонгино, шар манжин, хүрэн манжин, саримс, лууван, өргөст хэмх зэрэг хүнсний болон нарийн ногоо тариалж, өрхийн хэрэгцээгээ бүрэн хангадаг болжээ. Гэртээ зоорь хийж, өвөл хаврын улиралд ногоогоо хадгалдаг байна. 2020 онд хашаагаа тохижуулж усан оргилуур, сүүдрэвч хийж, гадна нойлоо засаж сайжруулсан. Залуучуудад үлгэр болохуйц хөдөлмөрлөж байгаа В.Бат- Очирын гэр бүлийнхэнд талархаж, амжилт хүсье.