COVID-19 халдвараас урьдчилан сэргийлэх зорилгоор 2020 оны 03 дугаар сарын 26 -ны өдрөөс 04 дүгээр сарын 04-ний өдрийг хүртэл сумын нутаг дэвсгэрт цэвэрлэгээ, халдваргүйжүүлэлтийн ажлыг зохион байгуулахаар сумын Засаг даргын баталсан ажлын удирдамж гарч, өнөөдрөөс хэрэгжүүлж эхэллээ.
Энэ хугацаанд төв зам, нийтийн эзэмшлийн зам талбай, зах, нийтийн тээвэр, худалдааны төв, үйлчилгээний газрууд, ШТСтанцууд, томоохон албан байгууллагууд, орон сууцны гадна талбай, хог хаягдал түр цуглуулах болон хогийн нэгдсэн цэгт цэвэрлэгээ , ариутгал хийх, албан байгууллага, аж ахуй нэгжүүд байгууллагадаа мэргэжлийн байгууллагаар ариутгал халдваргүйжүүлэлт хийлгэх, айл өрхийн нүхэн жорлонг халдваргүйжүүлэх, хот хоорондын болон орон нутгийн зам дагуух сэг зэмийг устгах, ачих, ариутгах ажлыг хийнэ.
Иргэд, та бүхнийг ойр орчмын хогоо цэвэрлэх, гэр орондоо чийгтэй цэвэрлэгээ тогтмол хийх, хүүхэд багачууддаа хяналт тавьж гадуур сэлгүүцүүлэхгүй байхыг анхааруулж байна.