» » » ХЭЛМЭГДЭГСДИЙН ДУРСГАЛЫГ ХҮНДЭТГЭХ ХӨШӨӨГ ТУС СУМАНД БОСГОХООР ШИЙДВЭРЛЭЖ ХӨШӨӨНИЙ ЗАГВАРЫН УРАЛДААНЫГ ЗАРЛАЖ БАЙНА.
ХЭЛМЭГДЭГСДИЙН ДУРСГАЛЫГ ХҮНДЭТГЭХ ХӨШӨӨГ ТУС СУМАНД БОСГОХООР ШИЙДВЭРЛЭЖ ХӨШӨӨНИЙ ЗАГВАРЫН УРАЛДААНЫГ ЗАРЛАЖ БАЙНА.

 

ХЭЛМЭГДЭГСДИЙН ДУРСГАЛЫГ ХҮНДЭТГЭХ ХӨШӨӨГ ТУС СУМАНД БОСГОХООР ШИЙДВЭРЛЭЖ ХӨШӨӨНИЙ ЗАГВАРЫН УРАЛДААНЫГ ЗАРЛАЖ БАЙНА.
Улс орон даяар үе үеийн хэлмэгдэгсдийн дурсгалыг хүндэтгэх, хойшид аливаа хэлмэгдлээс сэргийлэх, хойч үедээ сургамж болгох зорилгоор хэлмэгдэгсдийн дурсгалыг хүндэтгэх хөшөөг тус суманд босгохоор шийдвэрлэж хөшөөний загварын уралдааныг зарлаж эрхэм уран бүтээлч таныг оролцохыг урьж байна. Энэхүү уралдааны материалыг 2017 оны 10 сарын 20-ны дотор ИТХ-ын нарийн бичгийн дарга Ц.Батцэрэн хүлээн авна. Макет, зураг, агуулгын тайлбарыг хавсаргасан байна. Хөшөөний орчны тохижилтын загвар, зураг хавсаргасан байвал давуу тал болно. Шалгарсан уран бүтээлийг 1 сая төгрөгөөр урамшуулна. Шилдэгээр шалгарсан уран бүтээл 2018 оны 09 сарын 01-ний өдөр гэхэд Хархорин сумын төвд, Эрдэнэ зуу хийдийн хоймор талд хөшөө болон сүндэрлэж мөнхрөн үлдэх болно. 
ХӨШӨӨНИЙ ЗАГВАРЫГ БҮТЭЭХДЭЭ: Хэлмэгдүүлэлт нь нийгмийн бүх давхаргыг хамарч түүнд нам, төрийн удирдах зүтгэлтэн, цэргийн дарга нар, тайж, ноёд, лам хуврагууд, жирийн иргэд 30 гаруй мянган хүн өртсөн гашуун түүхийг, 1960, 1970, 1980-аад онуудад сэхээтний төөрөгдөл нэрээр хийгдсэн цөлдөг, нутаг заадаг, үр удмаар нь төрийн дайсан болгож хавчин гадуурхах байдлаар хэлмэгдүүлж байсныг, өнөө цагт үзэл бодол, намын харьяаллаар нь ажлаас халах явдал хавтгайрч өнөөдрийн байдлаар 22 мянган иргэд төрийн албанаас халагдаж сэтгэл санаа, амьдрал ахуйгаараа хохирч байгааг та бид мэднэ. Хархорин сумын хувьд Баруун хүрээ, Эрдэнэзуу хийдээс 400 гаруй лам хуврага хамрагдсанаас 280 хүний нэр цагаатгалын цагаан номонд бичигдсэн. Эдгээрийг харгалзан үзэхийг хүсье. 
Уг хөшөөнд : ӨР ЗҮРХИЙГ ЦӨМӨЛСӨН
ӨРХ АЙЛЫГ ТҮЙВЭЭСЭН 
ҮР ХҮҮХЭД УДАМД НЬ 
ҮРГЭЛЖЛҮҮЛЭН ГАЙ БОЛСОН 
ҮЕ ҮЕИЙН ХЭЛМЭГДҮҮЛЭЛТ
ҮНДСЭЭРЭЭ УСТАХ БОЛТУГАЙ
ҮРГЭЛЖ САНАН СЭРЭМЖИЛТҮГЭЙ гэсэн үг сийлэхээс гадна хэлмэгдсэн 280 гаруй хүний нэр бичих боломжийн талаар бодолцохыг хүсье.
Холбоо барих хаяг: 
Утас: 7032-7999, 99271889 

Санал асуулга

Та манай вэб сайтаас ямар мэдээллийг авч ашигладаг вэ?

ЗДТГ-ын мэдээлэл
ИТХ-ын мэдээлэл
Сумын шинэ мэдээ мэдээлэл
Тендерийн мэдээлэл
Төрийн үйлчилгээ
Тогтоол шийдвэр