Хархорин сумын хүүхдүүдэд тулгамдаж буй асуудалд анхаарал хандуулж тэдний санал хүсэлтийг сонсох, гарц боломжийг эрэлхийлж, шийдвэрлэх зорилгоор ЕБ-ын сургуулийн сурагчдын дунд “ХҮСЛИЙН ЗАХИА” төсөл хэрэгжсэн энэ хугацаанд 600 гаруй захидал ирснийг ажлын хэсэг уншиж танилцан, онцгой, содон захидлын эздийг шалгаруулж байна. Уг төслийн хүрээнд "Монголын цахим институт"-ийн сургалтын багийг урьж дунд, ахлах ангийн сурагчид, багш, эцэг эхэд " Монголын ирээдүй" лекц зохион байгууллаа. Лекцээр мэргэжил сонголтын ач холбогдол, гадаадын их дээд сургуулиудад суралцах боломжууд , сэтгэлзүйд суурилсан хүний хөгжил, зорилгодоо хүрэхийн тулд өөрийгөө дайчилж амжилттай суралцах нь зэрэг сэдвийг хөндөж 800 гаруй сурагчид, эцэг эх хамрагдлаа.
2019 оны 12 дугаар сарын 16 нд зохион байгуулагдах ХҮСЛИЙН ШИНЭ ЖИЛ-ийн үеэр мөрөөдөл биелэх захидлын эзэд тодорно.