Энэ жил Өвөрхангай аймгийн хэмжээнд газрын гарц тааруу, өвөлжилт хүндрэх төлөвтэйгээс сумдын малчид Архангай , Булган , Төв аймгийн сумд руу отор нүүдэл хийж байна. Өвөрхангай аймгийн Отрын штабаас дээрх аймгийн зарим сумдад ажиллах ажлын удирдамж гарсантай холбогдуулан аймгийн Мал эмнэлгийн газрын дарга А. Нямдаваагаар ахлуулсан сумын ажлын хэсэг Архангай аймгийн Батцэнгэл суманд ажиллаж сумын удирдлагуудтай уулзаж 7 өрхийн 3000 гаруй малыг отроор өвөлжиж, хаваржуулах гэрээ байгуулан, отрын нөхцөл байдалтай газар дээр нь танилцан малчидтай уулзан санал хүсэлтийг сонслоо. Отор хүлээн авсан бусад аймаг, сумдын удирдлагатай уулзах, гэрээ байгуулах ажил үргэлжилж байна.