Монгол улсад Ус цаг уурын байгууллага үүсч хөгжисний 91 жил, Өвөрхангай аймгийн ус цаг уурын албаны 80 жилийн ойг угтсан нээлттэй хаалганы өдөрлөгийн үйл ажиллагаа 2019 оны 11-р сарын 3-нд Хархорин сумын соёлын төвд боллоо. Өдөрлөгийн үйл ажиллагаанд ЗДТГ-ын дарга Д.Долгормаа, Хархорин сумын тариаланчдын холбооны тэргүүн Д.Лхагвабуд, ТХГ-ын дарга Ц.Банди болон төрийн байгууллга, аж ахуй нэгжийн төлөөлөл, ард иргэд идэвхтэй оролцов. Өдөрлөгийн үеэр Өвөрхангай аймгийн УЦУОШТөв болон Хархорин сумын УЦУС-ын үйл ажиллагааг сурталчлах, шаардлагатай мэдээ мэдээллийг түгээх мөн тухайн байгууллагын ажилтан албан хаагчдын урлагын тоглолт, цэнгээнт бүжиг, АХА, азын сугалаа зэрэг танин мэдэхүйн болон соёлын арга хэмжээг зохион байгууллаа. Манай байгууллагыг дэмжиж, хүндэтгэж, хүрэлцэн ирсэн Хархоринчууддаа гүнээ талархаж байна. Сайн сайхан бүхэн дэлгэрч, хүн бүр үргэлж азтай, жаргалтай байх болтугай. ӨВ УЦУОШТөв, Хархорин УЦУСалбар 2019 он