Жил бүр төмс хүнсний ногоо тариалагчид, сүү сүүн бүтээгдэхүүн үйлдвэрлэгчид болон өрхийн үйлдвэрлэл эрхлэгчдийн бизнесийг дэмжих, үйлдвэрлэсэн бүтээгдэхүүнийг сурталчлах, хямд үнээр худалдан авах боломж бүрдүүлэх зорилгоор 7 дахь жилдээ зохион байгуулагдаж буй “Хархорины намар- 2019” үзэсгэлэн худалдаа өнөөдрөөс эхэллээ. Уг үзэсгэлэн худалдаа 2 өдрийн турш үргэлжлэх бөгөөд гар урлал, бэлэг дурсгал, сувинер, оёдол эсгүүр, сүү, сүүн бүтээгдэхүүн, гурилан бүтээгдэхүүн, төмс, хүнсний ногоо, жимс жимсгэний төрлөөр шилдгүүдээ шалгаруулан 2019 оны 9-р сарын 21-23 ны өдрүүдэд арвайхээр хотноо болох "Өвөрхангай түншлэл-2019" үзэсгэлэнд оролцуулна.