Улсын мал эмнэлэг, ариун цэврийн төв лаборторийн шинжилгээгээр Булган аймгийн Булган сум, Төв аймгийн Зуунмод суманд Африкийн гахайн мялзан өвчин оношлогдсон.
Иймээс Гамгаас хамгаалах улсын хяналтын байцаагч, ахлах дэслэгч Б.Өсөхбаяр, Ангиллын сургалт, сурталчилгаа, урьдчилан сэргийлэх асуудал хариуцсан мэргэжилтэн, дэслэгч М.Бундхорол, Мал эмнэлгийн хяналтын улсын байцаагч Т.Ундармаа, Дэлийн бүрд мал эмнэлгийн захирал Ц.Пүрвээ нар Хархорин сумын гахайтай аж ахуйн нэгж, айлууд болон гахайн махаар хоол хийж буй ресторан, зарж борлуулж буй худалдааны төвүүдийг нарийвчлан шалгаж, урьдчилан сэргийлэх зөвлөмж өгч ажиллалаа.