Аймгийн Төрийн үйлчилгээний нэгдсэн төвөөр өнгөрөгч ажлын таван өдөрт 920 иргэн хандаж, төрийн үйлчилгээг авсан бол 12 иргэн 8 асуудлаар санал, гомдлоо илэрхийлжээ.
Харгалзах огноо: 2022-08-31 | Уншсан: 300
Аймгийн Засаг дарга А.Ишдорж иргэдийн санал, гомдолтой танилцаж, хэлтэс, албадын удирдлагуудад үүрэг чиглэл өглөө. Тэрбээр эдийн засгийн хүнд үед сурагчдыг хувцсаар жигдрүүлэх нэрийн дор үнэтэй хувцас шахаж байгааг буруушааж, хэрэв жигдлэх гэж байгаа бол өнгөөр л жигдэл гэсэн үүргийг БСУГ-т өгөв. Мөн боломжгүй айл өрхүүдийн цэцэрлэгийн хүүхдүүдийн сургалтын хэрэглэгдэхүүнийг жилээр биш, сар, улирлаар бэлтгүүлж, уян хатан бодлого барьж ажиллахыг даалгалаа.
Хурлын үеэр өвс тэжээл, хадлангийн бэлтгэл, ургац хураалт, отор нүүдэл, хөрөнгө оруулалтын үр дүн гэхчлэн цаг үеийн асуудлаар ярилцав.
Харгалзах огноо: 2022-08-31 | Уншсан: 300