Уулзалтанд зөвлөлийн гишүүд, хамтрагч байгууллагууд болон зорилтот сумдын удирдлагууд, сургуулийн захирлууд гэхчлэн 60 гаруй хүн оролцож, төслийн үр дүн, цаашид анхаарах асуудлаар туршлага хуваалцан санал солилцсон юм.

Дээрх төслийг Японы Хүүхдийг ивээх сангаас Японы Нийгмийн хөгжлийн сангийн буцалтгүй тусламжаар Өвөрхангай аймгийн Бат-Өлзий, Богд, Гучин-Ус, Хархорин, Хужирт, Сант, Уянга сумын ерөнхий боловсролын 8 сургууль болон Насан туршийн боловсролын нэгжүүдэд 2019 оноос эхлэн хэрэгжүүлж байна.

Одоогоор тус төсөлд 857 сурагч хамрагдаж, энтрепренершип боловсрол буюу аливаа асуудалд бүтээлч сэтгэлгээгээр хандан шийдэл олж, тэрхүү санаагаа амжилттай ажил хэрэг болох хүртэл хөдөлмөрлөн удирдан авч явах ур чадварт суралцаж байгаа юм.