Сумдаас Арвайхээр, Хархорин, Хужирт, Уянга, Богд, Баянголд томуугийн өвчлөл их байна. Аймгийн хэлтэс, албадын дарга нарын шуурхай хуралдаанаар өвчлөлийн нөхцөл байдалтай танилцлаа.

Аймгийн Засаг дарга А.Ишдорж "Хүүхдүүд хичээл, сургалтын хоцрогдолттой яваа учраас сургууль, цэцэрлэгийг нийтээр нь карентилахгүй. Томуу, томуу төст өвчлөл их байгаа цэцэрлэгүүдийг судалж, хэсэгчилсэн байдлаар үйл ажиллагааг түр зогсоож болно" хэмээгээд судалгаа хийж танилцуулахыг аймгийн Эрүүл мэндийн газар, БШУГ-т үүрэг болголоо.