ЗҮРХ СУДАСНЫ ӨВЧЛӨЛИЙГ АЙМАГТАА ОНОШЛОХ БОЛОМЖТОЙ БОЛЛОО
Харгалзах огноо: 2022-03-11 | Уншсан: 214
Манай иргэдийн дунд зүрх судасны өвчлөл их, даралт, харвалтаар амь эрсдэх тохиолдол багагүй байдаг. Энэ төрлийн өвчлөлийг оношлох, эмчлүүлэхийн тулд жилд 2 мянга орчим хүн Улаанбаатар руу явж байна.
Тэгвэл уг асуудлыг шийдвэрлэж, ЭМЯ-ны хөрөнгө оруулалтаар Ангиографи буюу судсан дотуурх оношилгоо, эмчилгээний төхөөрөмжийг аймгийн БОЭТ-д суурилуулан ажиллуулж эхэллээ.
Улсын 3 дугаар төв эмнэлгээс эмч, мэргэжилтнүүд ирж, хэвийн ажиллагааг хангасан бөгөөд аймагтаа хоёр эмчийг бэлтгэн мэргэшүүлж байна. Өчигдрийн байдлаар тархины 4, зүрхний 3 оношилгоог аймагтаа хийж, үр дүнг нь харлаа.
Эдгээр өвчтөнүүд маань Улааанбаатарыг зорьсон бол 20-30 хоногийн хүлээгдэл үүсч, эрүүл мэнд, цаг хугацаа, мөнгө санхүүгээр хохирох байсан. Иргэдийнхээ эрүүл мэндийн төлөө чухал хөрөнгө оруулалтыг хийсэн УИХ-ын гишүүддээ баярлалаа.
Харгалзах огноо: 2022-03-11 | Уншсан: 214