Волейболын ахмадын улсын аварга шалгаруулах тэмцээн Өвөрхангай аймагт болж байна. Тэмцээнд нийслэлийн 9 дүүрэг, 21 аймгаас, 46 баг, 460 гаруй тамирчид оролцож байгаа юм.
Харгалзах огноо: 2021-12-23 | Уншсан: 256
Тэмцээний эхэнд волейболын спортыг хөгжүүлэхэд үнэтэй хувь нэмэр оруулж буй Монгол Улсын Гавьяат дасгалжуулагч, Өвөрхангай аймгийн уугуул Д.Солонгыг аймгийн ИТХ-ын нэрэмжит шагнал “Өвөрхангай аймгийн Алдартан” цолоор шагнасан бөгөөд Өвөрхангай аймгийн Волейболын холбооноос хүндэтгэл үзүүллээ.
Мөн Монгол Улсын Гавьяат дасгалжуулагч, Өвөрхангай аймгийн уугуул Д.Баасансүрэнд Монголын волейболын холбооноос хүндэтгэл үзүүлсэн ба 62-оос дээш насны ахмад тамичрдад Өвөрхангай аймгийн Волейболын холбооноос гарын бэлгийг гардуулсан юм.
Дашрамд дурдахад гавьяатаас дээш цолтой 36 тамирчин Өвөрхангай аймгаас төрж, нутаг орныхоо нэрийг өндөрт өргөсөн бөгөөд гурав нь волейболын спортын тамирчид аж.
Харгалзах огноо: 2021-12-23 | Уншсан: 256