Аймгийн Онцгой комиссын шийдвэр болон аймгийн Засаг даргын 2021 оны 08 дугаар сарын 27-ны өдрийн А/403 дугаар захирамжаар спорт заал, усан бассейн, фитнесс, баар, караоке, сүм хийдийн үйл ажиллагааг 09 дүгээр сарын 01-ний өдрөөс нээж бизнес эрхлэгчдийг дэмжих, иргэдэд чөлөөт цагаа зөв өнгөрөөж биеийн тамир спортоор хичээллэх боломж бий болж байна.

Сумын Онцгой комисс дээрх байгууллагуудын удирдлагуудтай Хариуцлагын гэрээ байгууллаа.

Гэрээнд:

- Цахим бүртгэлийн нэгдсэн системд үйлчлүүлэгч бүрийг заавал бүртгэн, вакцины бүрэн тунд хамрагдсан насанд хүрэгчдэд үйлчлэх

- Шаардлагатай өрөө бүрт гар халдваргүйжүүлэгч байрлуулж, урьдчилан сэргийлэх санамж зөвлөмжийг байршуулах

- Амны хаалтгүй иргэнд үйлчлэхгүй байх

- Халдварын сэжигтэй тохиолдол илэрсэн үед иргэнийг түр тусгаарлах өрөө бэлтгэх

- Өрөө тасалгаанд 2 цаг тутамд агаар сэлгэлт, цэвэрлэгээ, халдваргүйжүүлэлтийг тогтмол хийх, хог хаягдлыг уут саванд хийж битүүмжлэх

- Гаднаас бэлэн хоол хүнс оруулахгүй байх

- Бэлэн мөнгөөр гүйлгээ хийхгүй байх зэрэг шаардлагыг тусгаж гэрээнд заасан үүргээ зөрчвөл хариуцлага тооцохыг анхаарууллаа.

Сумын Онцгой комисс