Ажлын хэсэгтэй уулзаж, аймаг, орон нутагт соёлын үйлчилгээний чанар, хүртээмжийг нэмэгдүүлэх чиглэлээр санал солилцлоо. Өвөрхангай аймаг түүх, соёлын өлгий нутгийн хувьд улсдаа үлгэр жишээ болохуйц томоохон музейтэй байх зорилтыг дэвшүүлж, энэ онд багтаан ашиглалтад оруулахаар ажиллаж байна. Музейн дотоод дэглэлт, зохион байгуулалтыг хийх, дижитал, виртуал болгоход Соёлын яамнаас анхаарч, дэмжлэг үзүүлэх хүсэлтийг тавьлаа.

Мөн Баруун Шанхын хийдийг засварлах, Хархорины Хөшөөт Цайдамыг түшиглэсэн аялал жуулчлалыг хөгжүүлэх зэргээр Соёлын яамтай хамтарч хийх олон ажил байгааг Соёлын дэд сайдад уламжлаад байна.